Schullied PSA

1. Mir Schüeler sind us Niederwil, Oerlinge und Klafi,
   us Huemlike und Adlike - Dätwil, Alte, Afi.

Mir sind do z'Afi, Klafi, Afi, Klafi - wo isch doch egal.
Mit Velo, z Fuess und Schuelbus chömed mir vo überall.

2. Läse, rächne, Wörtli üebe, lerne, baschtle, singe,
   zäme i de Gruppe und mit Fründe tuets üs glinge.
    
3. Sporttag, OL, Schüelerreis, en Usflug id Thuraue,
   ob unterwägs, im Schuelhus drin, mir chönd enand vertraue.
    
4. D Pause, die sind würkli cool, do sind mir all däbii,
   Znüni ässe, Fuessball spiele isch für gross und chlii.
    
5. Wänns mol kracht und Lämpe git, dänn tüend mir Friede mache,
   striite ghört halt au dezue, aber meh no zämä lache.

Text: Vera Balmer, Anita Zahner und Max Dammasch
gesungen von der Klasse 3b, Schulhaus Hofwiesen